“Dentons Tashkent” yuridik firmasi homiyligida tarjima qilingan, huquq sohasi olamida yuksak e’tirof etilgan Shmitthoffning “Xalqaro savdo huquqi va amaliyoti” nomli fundamental asari endilikda TerDU Axborot-resurs markazi fondidan o‘rin oldi!
Gap shundaki, “Dentons Tashkent” firmasi boshqaruvchisi Eldor Mannopov 1080 betdan iborat ushbu noyob nashrning 3 nusxasini universitetimiz talabalariga foydalanish uchun beg‘araz taqdim etdi.
Ushbu asar Yurisprudensiya va Biznes huquqi yo‘nalishlarida tahsil olayotgan talabalarimiz uchun nafaqat muhim nazariy manba, balki kelgusidagi kasbiy faoliyatlarida ishonchli amaliy qo‘llanma bo‘lib xizmat qiladi.
TerDU jamoasi “Dentons Tashkent” yuridik firmasiga va shaxsan Eldor Mannopovga ilm-fan taraqqiyotiga qo‘shayotgan hissalari uchun chuqur minnatdorchilik bildiradi.
