Oliy ta’lim, fan va innovatsiyalar vazirligi hamda O‘zbekiston Yozuvchilar uyushmasi hamkorligida tashkil etilayotgan “Mening O‘zbekistonim” videorolik tanlovi – bu Vatanimizni sevuvchi, ijodkor, iste’dodli talabalar uchun katta imkoniyat!
Tanlovning maqsadi:
Talabalarda vatanparvarlik tuyg‘usini shakllantirish;
Ijodiy, aktyorlik va rejissyorlik mahoratini namoyon etish;
O‘zbekiston tarixi, madaniyati va yutuqlarini keng targ‘ib etish.
Tanlovda OTM talabalari – 1–10 kishilik jamoalar yoki yakka ishtirokchilar qatnashishi mumkin.
Tanlovga davomiyligi 3-4 daqiqa, formati MPEG-4 bo‘lgan va muallifning o‘zi videoning kamida 60–70% qismida ko‘ringan materiallar qabul qilinadi. Ijodiy yondashuv, ovoz, montaj va badiiy mahorat alohida baholanadi
Tanlov g‘oliblari quyidagicha taqdirlanadi:
1-o‘rin – 15 million so‘m
2-o‘rin –12 million so‘m
3-o‘rin – 10 million so‘m
4-o‘rin – 8 million so‘m
5-o‘rin – 5 million so‘m
Tanlovning oliygoh bosqichi g‘oliblari o‘zi tahsil olayotgan ta’lim tashkiloti tomonidan faxriy yorliq bir martalik pul mukofotlari bilan rag‘batlantiriladi.
Tanlovda ishtirok etish istagidagi nomzodlar oliygohlardagi Yoshlar bilan ishlash, ma’naviyat va ma’rifat bo‘limiga ariza bilan murojaat qilishlari mumkin.
