Sana: 6 oktabr 2025 soat 11:00
Manzil: Iqtisodiyot fakulteti, Termiz davlat universiteti
Biznes strategiyasi, modellashtirish va amalga oshirish: Amaliyotdagi paradokslar.
Seminar tavsifi:
Biznesni boshlash? Biznesni yuritish? Biznesni boshqarish? Amaliy tajriba? Yashirin bilimlar? Ushbu seminar shved amaliyotchi-olim (pracademic) janob Aleks Matrsson tomonidan olib boriladi va biznes dunyosining ilg‘or, vizioner jihatlaridan xabardor bo‘lishni istagan shaxslar va guruhlar uchun mo‘ljallangan. Seminar ishtirokchilari orasida chuqur qiziqish hissiga ega bo‘lgan, ijodkorlikka ishonadigan va nomukammallikni bebaho hamda uzoq muddatli ta’sirga aylantirishga tayyor bo‘lgan insonlar jamlanadi.
Ular o‘z mahalliy jamoalari, mintaqalari va kengroq miqyosda jamiyat taraqqiyotiga ijobiy hissa qo‘shishga intiladilar. Seminar davomida asosiy biznes tushunchalari qayta ko‘rib chiqiladi, zamonaviy biznes tizimiga yangicha qarash taqdim etiladi va eng asosiysi, Lagom, Serendipiya hamda Sinergiya yaratish konsepsiyalariga alohida urg‘u beriladi.
Mehmon mutaxassisimiz haqida:
Janob Aleks Matrsson — Shvetsiyalik pracademic. U vizioner yetakchi, mentor, tadbirkor, katta lektor, tadqiqotchi va xalqaro miqyosda tan olingan biznes maslahatchisidir. U Shvetsiyada Xalqaro biznes strategiyasi bo‘yicha eng yuqori natija ko‘rsatgan bitiruvchi hisoblanadi. U global qiymat zanjiri bo‘ylab bizneslarni tashkil etish, yuritish va boshqarishda, shuningdek, investorlar, kichik va o‘rta korxonalar (SME), transmilliy kompaniyalar (MNC), hukumat agentliklari, universitetlar va ko‘p tarmoqli tadqiqot institutlari bilan xalqaro hamkorlikda keng tajribaga ega.
U biznes strategiyasi, sanoat marketingi, tijorat diplomatiyasi va ilmiy tadqiqot natijalarini tijoratlashtirish masalalari bo‘yicha faol targ‘ibot olib boradi. Ta’lim masalasida janob Matrsson serendipiya (tasodifiy kashfiyot), innovatsiya va sinergiya yaratish qudratiga ishonadi. Shu sababli, aynan ushbu konsepsiyalar uning bilimlarni tarqatish faoliyatining poydevorini tashkil etadi. U qat’iy, ammo pragmatik yondashuvni qo‘llaydi.
U asosiy biznes tushunchalarini muvaffaqiyatli yetkazishni tizimli ravishda ta’minlaydi, shu bilan birga talabalarning refleksiv fikrlash qobiliyatini rivojlantiradi. Uning maqsadi talabalarni eng ilg‘or bilimlarni samarali amaliyotga tadbiq eta olish darajasiga olib chiqishdir — shunda ular o‘z mahalliy jamoalari, mintaqalari va kengroq jamiyatning “ijtimoiy” va “iqtisodiy” farovonligini ilgari surishda bebaho manbaga aylanishlari mumkin.
Uning ilmiy izlanishlari asosan savdoni rivojlantirish, rivojlanayotgan bozorlar, biznesning barqarorligi va xalqaro faoliyatni tarmoqli yondashuv orqali amalga oshirish masalalariga qaratilgan. Shaxsiy darajada esa, uning qiziqishlari keng qamrovli: ko‘k kitlar, arab otlari, klassik musiqa, etik kapitalizm, din, madaniyat, Skandinaviya mamlakatlari, Fors ko‘rfazi mamlakatlari va Markaziy Osiyo — xususan, Qozog‘istonga alohida qiziqadi.
