Is gazidan zaharlangan insonga zudlik bilan birinchi tibbiy yordam koʻrsatish lozim. Jabrlanuvchini tezroq toza havoga olib chiqish, nafas olishni yengillashtirish – nafas yoʻllarini tozalash, kiyimlarini yechish, tilni orqaga ketib qolishini oldini olish uchun bemorni yonboshlab yotqizish zarur.
Nafasni stimullash, koʻkrak qafasini artish, oyoq va qoʻllarni isitish, tez tibbiy yordam chaqirish lozim. Hatto, bemor koʻrinishidan qoniqarli ahvolda boʻlsa ham shifokor koʻrigidan oʻtishi shart.
Zaharlanishda oʻz vaqtida boshlangan davolash muolajalari asoratlar va oʻlim xavfini kamayishiga yordam beradi.
Ogʻir daraja zaharlanish holatlarida jabrlanuvchiga reanimatsion chora-tadbirlar oʻtkaziladi – tibbiyot xodimlari kelguniga qadar ogʻizdan-ogʻizga nafas, yurak yopiq massaji olib boriladi.
