Amaldagi tartib boʻyicha, oʻqishni koʻchirish uchun arizalar qabuli transfer.edu.uz — davlat OTMning biridan boshqasiga, my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga 15-iyuldan 5-avgustgacha davom etadi.
Kimlar oʻqishini koʻchirishi mumkin?
Davlat OTMlaridan boshqasiga koʻchirish uchun:
turmush qurib, turmush oʻrtogʻining doimiy yashash hududiga oʻqishini koʻchirayotgan talaba;
ota-onasi yoki turmush oʻrtogʻining ish joyi oʻzgarib, oʻqishini koʻchirishga tegishli vazirlikdan tavsiyanoma olgan talabaga ruxsat beriladi.
Ular imtihonsiz oʻqishini koʻchira oladi.
Kimlar imtihon bilan oʻqishini koʻchira oladi?
Xorijda oʻqiyotgan talaba;
Xususiy universitetda oʻqiyotgan talaba.
