2021/2022 oʻquv yilida davlat OTM magistraturasiga oʻqishga kirish uchun magistr.edu.uz platformasi orqali onlayn roʻyxatdan oʻtgan abituriyentlar DIQQATIGA!
Roʻyxatdan oʻtgan hujjatlarni koʻrib chiqish davomida, kamchiliklar aniqlanib arizalari rad qilingan abituriyentlarga, kamchiliklarni toʻgʻirlashga imkoniyat berilmoqda hamda bu haqida ularning telefon raqamlariga SMS xabarnoma shaklida maʼlumotlar yuborilmoqda.
Imtihonlar oʻtkazish muddati yaqinlashganligini inobatga olgan holda, koʻp sonli abituriyentlar hamda oliy taʼlim muassasalarining murojaatlari asosida hujjatlari rad etilgan abituriyentlar, kamchiliklarini tahrirlab joʻnatishning yakuniy muddati etib joriy yilning 10-avgust kuni soat 24:00 etib belgilandi.
‼️ Ushbu muddatga qadar hujjatlari rad etilgan abituriyentlar, koʻrsatilgan kamchiliklarni bartaraf etgan holda arizalarini tahrirlab joʻnatishlari lozim.
Hujjatlari tekshirilib, arizasi qabul qilingan abituriyentlarning hujjatlarini qayta tahrirlashga yoʻl qoʻyilmaydi.
