2023/2024-o‘quv yilida TTJga hamda ijara xonadonlariga ehtiyoji bo'lgan Temiz davlat universitetida tahsil olayotgan yuqori kurs (2,3,4-kurslar) talabalaridan talabalar turar joyiga va ijara xonadonlariga joylashish bo'yicha onlayn arizalar olish boshlanmoqda. Onlayn arizalar joriy yilning 19-30-iyul kunlari qabul qilinib, bu faqat KUNDUZGI TA'LIM shaklida tahsil olayotgan talabalarga amal qiladi.
Yuqori kurs talabalarini TTJga va ijara xonadonlariga joylashtirish ishlari quyidagi mezonlar asosida amalga oshiriladi:
Mehribonlik uylari tarbiyalanuvchilari (to‘liq davlat ta’minotida bo‘lgan bolalar);
Chin yetimlar (ota-onasi vafot etgan, vasiylik va homiylikka olingan yetimlar);
I va II-guruh nogironligi bo‘lgan shaxslar;
“Ijtimoiy himoya yagona reestri” axborot tizimi (my.gov.uz) orqali kam ta’minlangan deb e’tirof etilgan oila farzandlari (Bunda, axborot tizimiga 2023-yilda kiritilgan oilalar hisobga olinadi);
Xorijiy davlatlardan kelib tahsil olayotgan (chet el fuqarosi) talabalar.
Ko‘rsatib o‘tilgan mazkur mezonlar asosida yuqori kurs talabalari TTJga va ijar xonadonlariga joylashishlari uchun
http://ttj.tersu.uz manziliga online ariza yuborib, ro'yxatdan o'tishlari kerak.
ESLATMA: Yuqorida ko‘rsatilgan mezonlar asosida TTJga va ijara xonadonlariga joylashish ishlari kechki, sirtqi va ikkinchi oliy ta’lim shaklida tahsil oluvchi talabalarga TATBIQ ETILMAYDI.
IZOH: TTJdan joy olishga ulgurmagan talabalarni ijara xonadonlariga joylashtirish choralari ko‘riladi.
Bizni kuzatishda davom eting!
