Termiz davlat universitetida 2022/2023-oʻquv yili uchun Dizayn (milliy kostyum), Sport faoliyati (kurash) taʼlim yoʻnalishlariga kasbiy (ijodiy) imtihonlar 3-avgustdan boshlanadi.
Oliygohda imtihon jarayonlarini adolatli va shaffof o'tkazilishini taʼminlash maqsadida kuzatuv kameralari oʻrnatilgan boʻlib, http://imtihon.tersu.uz/ sayti orqali istalgan joyda jonli kuzatib borishingiz mumkin.
Imtihonlar bo‘lib o‘tadigan binolarda barcha qulayliklar yaratilgan, kerakli texnik vositalar bilan jihozlangan, sport zallari shay holatga keltirilgan.
Kasbiy (ijodiy) imtihon jarayonlariga kuzatuvchi sifatida jamoatchilik vakillari, deputatlar, OAV xodimlari, bloggerlar taklif etilgan.
Muhim eslatma! Abituriyentlar ijodiy imtihon kunlari oʻzlari bilan shaxsni tasdiqlovchi hujjat (pasport, ID), roʻyxatdan oʻtganligi boʻyicha qayd varaqasi bilan kiritiladi hamda tegishli sport formasi va kerakli jihozlarini olib kelishi soʻraladi.
Abituriyentlar va ularning ota-onalari quyidagi telefon raqamlari orqali Call-markaz bilan bogʻlanib, oʻzlarini qiziqtirgan savollariga javob olishlari mumkin:
+998 76 228 01 20
+998 76 221 74 04
Qoʻshimcha ma’lumotlar universiteti veb sayti hamda TerDU rasmiy telegram kanali orqali berib boriladi.
Aziz abituriyentlar! Barchangizga omad yor bo‘lsin. Termiz davlat universiteti talabasi bo‘lish nasib etsin.
