📣 O‘zbekiston Respublikasi Oliy ta’lim, fan va innovatsiyalar vazirining 2026-yil 23-fevraldagi 72-son buyrug‘iga muvofiq, oliy ta’lim muassasalarining bakalavriat ta’lim yo‘nalishlari bitiruvchi bosqich talabalari o‘rtasida “Kimyo”, “Biologiya”, “Fizika” hamda “Informatika va axborot texnologiyalari” fanlari bo‘yicha Respublika fan olimpiadalarining universitet bosqichi o‘tkazilishi rejalashtirilmoqda.
🎯 Mazkur olimpiada iqtidorli talabalarni aniqlash, ularning ilmiy salohiyatini rivojlantirish, bilim va ko‘nikmalarini amaliyotda qo‘llash hamda Respublika bosqichida ishtirok etish uchun saralash maqsadida tashkil etiladi.
Olimpiada quyidagi fanlar bo‘yicha o‘tkaziladi:
🧪 Kimyo
🌱 Biologiya
⚛️ Fizika
💻 Informatika va axborot texnologiyalari
Universitet bosqichida g‘olib bo‘lgan talabalar Respublika fan olimpiadasining keyingi bosqichida ishtirok etish uchun tavsiya etiladi.
🔸Olimpiadada universitetimizning bakalavriat ta’lim yo‘nalishlari bitiruvchi bosqich talabalari ishtirok etishlari mumkin.
🔸Olimpiada yozma va amaliy topshiriqlar asosida o‘tkaziladi hamda eng yuqori natija ko‘rsatgan talabalar saralab olinadi.
📝 Olimpiadada ishtirok etish istagida bo‘lgan talabalar tegishli fakultet dekanatlari yoki mas’ul kafedralariga joriy yilning 1-apreliga qadar murojaat qilishlari so‘raladi.
Barcha iqtidorli talabalarni olimpiadada faol ishtirok etishga chorlaymiz.
☎️ Murojaat uchun: +998996250095
