๐๐๐๐๐๐ ๐๐๐๐๐๐ ๐๐๐๐๐๐๐๐๐๐๐๐ ๐๐๐๐๐๐๐, ๐๐๐๐ ๐๐๐๐๐ ๐๐๐๐๐๐๐๐๐ ๐๐๐๐๐๐๐๐๐๐๐๐๐ ๐๐๐๐๐๐๐๐๐๐๐, ๐๐๐๐ ๐๐๐๐๐-๐สป๐๐๐๐๐๐๐๐๐๐๐, ๐๐๐๐๐๐๐๐๐, ๐๐๐-๐๐๐๐๐๐ ๐๐ ๐๐๐๐๐๐๐๐๐๐๐๐ ๐๐๐๐๐๐๐๐๐
Prezidentimiz Shavkat Mirziyoyevning yoshlar bilan oสปtkazgan muloqotidan kelib chiqib murojaat qilmoqchiman.
๐๐ณ๐ข๐ณ ๐ญ๐๐ฅ๐๐๐๐ฅ๐๐ซ, ๐ช๐๐๐ซ๐ฅ๐ข ๐ฒ๐จ๐ฌ๐ก๐ฅ๐๐ซ! ๐๐ฎ๐ก๐ญ๐๐ซ๐๐ฆ ๐ฉ๐ซ๐จ๐๐๐ฌ๐ฌ๐จ๐ซ-๐จสป๐ช๐ข๐ญ๐ฎ๐ฏ๐๐ก๐ข๐ฅ๐๐ซ, ๐ณ๐ข๐ฒ๐จ๐ฅ๐ข๐ฅ๐๐ซ, ๐จ๐ญ๐-๐จ๐ง๐๐ฅ๐๐ซ ๐ก๐๐ฆ๐๐ ๐ช๐๐๐ซ๐ฅ๐ข ๐ง๐ฎ๐ซ๐จ๐ง๐ข๐ฒ๐ฅ๐๐ซ!
2026-yil 24-fevral kuni davlatimiz rahbari
Shavkat Mirziyoyevning yoshlar bilan boสปlib oสปtgan ochiq va samimiy muloqoti mamlakatimiz tarixida yoshlar siyosati yangi bosqichga koสปtarilganini yaqqol namoyon etdi. Bu uchrashuv shunchaki nutq yoki rasmiy tadbir emas, balki bu mamlakat kelajagining yoสปl xaritasi, yoshlar taqdiriga oid strategik qarorlar dasturi boสปldi.
Prezidentimiz taสผkidlaganidek, bugun yurtimizda
๐๐ ๐ฆ๐ข๐ฅ๐ฅ๐ข๐จ๐งdan ortiq yoshlar yashamoqda. Bu raqam shunchaki statistikani koสปrsatmaydi, bu – ulkan iqtisodiy kuch, intellektual salohiyat borligi anglatadi.
Shu maสผnoda, davlat rahbari tomonidan ilgari surilgan qoสปshimcha imkoniyatlar, bu imtiyoz emas, balki yoshlarga boสปlgan ishonchning amaliy ifodasi deb qabul qilishimiz kerak.
Prezidentimiz uchrashuv davomida yoshlar tadbirkorligini qoสปllab-quvvatlash uchun ๐๐๐ ๐ฆ๐ข๐ฅ๐ฅ๐ข๐จ๐ง dollar qoสปshimcha mablagสป ajratilishini maสผlum qildi. Kredit limitlari bir necha barobar oshirildi. Startaplar uchun investitsiyalar kengaytirildi. “๐๐๐ง๐ข๐ง๐ ๐๐ข๐ซ๐ข๐ง๐๐ก๐ข ๐ค๐๐ฌ๐๐ข๐ฆ”, “๐๐๐ฅ๐๐ฃ๐๐ค ๐ญ๐๐๐๐ข๐ซ๐ค๐จ๐ซ๐ข”, “๐๐จ๐ฌ๐ก๐ฅ๐๐ซ ๐๐ข๐ณ๐ง๐๐ฌ ๐ข๐ง๐ค๐ฎ๐๐๐ญ๐จ๐ซ๐ข” kabi dasturlar yangi mazmun bilan boyitildi.
Ushbu qarorlar bilan davlatimiz yoshlarga “Kutinglar” emas, “Harakat qilinglar!” demoqda.
Bugun yoshlar bir vaqtning oสปzida bilim olishi, xorijiy til oสปrganishi, kasb egallashi, tadbirkorlik qilishi va turli loyihalarni amalga oshirishi ham mumkin. Demak, eshiklar ochiq, imkoniyatlar bor, sharoitlar yaratilgan.
๐๐ณ๐ข๐ณ ๐ญ๐๐ฅ๐๐๐๐ฅ๐๐ซ!
Bugungi sharoit – tarixiy imkoniyatdir. Bunday imkoniyat har avlodga ham nasib etavermaydi.
Sizdan talab qilinadigan narsa – faqat bitta: masสผuliyat va ozgina harakat.
Prezident sizga ishondi. Endilikda siz oสปzingizga ishonishingiz kerak.
Tarixga nazar tashlang: Buyuk allomalar yoshlik davridayoq ilmga, mehnatga, fidoiylikka bel bogสปlagan. Bugun sizda ular orzu ham qila olmagan imkoniyatlar bor.
Endi imkoniyat bor ekan – natija boสปlishi shart.
Prezidentimiz muloqotlarida barcha rahbar va masสผullarni yoshlar oldidagi masสผuliyatni chuqur anglashga ham chaqirdi. Bu chaqiruv bevosita biz – oliy taสผlim muassasalari rahbarlari, professor-oสปqituvchilariga ham qaratilgan.
Bugun universitet shunchaki diplom beruvchi muassasa boสปlib qolmasligi kerak. Universitet:
yoshlar gสปoyasi tugสปiladigan makon;
startaplar shakllanadigan markaz;
innovatsiya yetiladigan muhit;
milliy va umuminsoniy qadriyatlar mustahkamlanadigan maskan boสปlishi shart.
Shu munosabat bilan, universitetimizda quyidagi ustuvor yoสปnalishlar belgilab olinadi:
har bir fakultetda yoshlar startap markazlari tashkil etiladi;
talabalarni biznes-reja tuzishga oสปrgatish boสปyicha amaliyotga yoสปnaltirilgan kurslar joriy qilinadi;
ilmiy tadqiqot natijalarini tijoratlashtirish mexanizmlarini kuchaytiriladi;
“Yoshlar kuni”ni universitet darajasida muntazam amalga oshiriladi;
bitiruvchilarning ishga joylashishiga koสปmaklashish birinchi masala sifatida belgilanadi.
Biz bir narsani aniq tushunishmiz kerak:
Prezident imkoniyat yaratdi. Universitet esa uni amalga oshirishi shart.
๐๐ฎ๐ซ๐ฆ๐๐ญ๐ฅ๐ข ๐ฎ๐ฌ๐ญ๐จ๐ณ๐ฅ๐๐ซ!
Yoshlar siyosatidagi har bir qarorning hayotga tatbiq etilishi, avvalo, sizning mehnatingizga bogสปliq.
Har bir talabaga oสปz farzandingizdek munosabatda boสปling. Ularning gสปoyasini eshiting. Ularni ragสปbatlantiring. Ishonch bering.
Prezident yoshlarga sharoit yaratmoqda. Biz esa ularni imkoniyatlardan foydalanishga tayyorlashimiz kerak.
๐๐๐๐ซ๐ฅ๐ข ๐จ๐ญ๐-๐จ๐ง๐๐ฅ๐๐ซ!
Farzandingiz taqdiri faqat taสผlim muassasasiga bogสปliq emas. Siz hamkor boสปlishingiz kerak. Farzandingizning oสปqishi, kasb egallashi, hayotda oสปz oสปrnini topishiga yaqindan yordam bering.
๐๐ฎ๐ก๐ญ๐๐ซ๐๐ฆ ๐ง๐ฎ๐ซ๐จ๐ง๐ข๐ฒ๐ฅ๐๐ซ!
Yosh avlodga tajribangiz, hayotiy saboqlaringiz, milliy qadriyatlar haqida aytib bering. Vatanparvarlik, halollik, fidoiylik kabi tushunchalar amaliy namuna, siz kabi nuroniylarning nasihati orqali singdiriladi.
Umuman olganda, 24-fevral uchrashuvi – bu shunchaki yigสปilish emas, mamlakat kelajagiga berilgan kafolat boสปldi desak, mubolagสปa boสปlmaydi.
Yoshlar siyosati yangi bosqichga koสปtarildi. Moliyaviy resurslar ochildi. Taสผlim va tadbirkorlik integratsiya qilindi. Ijtimoiy himoya kuchaytirildi.
๐๐ง๐๐ข๐ฅ๐ข๐ค๐๐ ๐๐ง๐ ๐ฆ๐ฎ๐ก๐ข๐ฆ ๐ฏ๐๐ณ๐ข๐๐ – ushbu imkoniyatlarni natijaga aylantirish.
๐๐ข๐ณ – ๐ฎ๐ง๐ข๐ฏ๐๐ซ๐ฌ๐ข๐ญ๐๐ญ ๐ฃ๐๐ฆ๐จ๐๐ฌ๐ข – Prezident tomonidan belgilab berilgan vazifalarni toสปliq va vijdonan amalga oshirishga tayyormiz.
Yoshlarimizning bilimli, fidoiy, tashabbuskor va vatanparvar boสปlib kamol topishi – bizning ustuvor maqsadimizdir.
Ishonamanki, birlashgan holda harakat qilsak, yurtimizning kelajagi yanada yorugสป va mustahkam boสปladi.
