Termiz davlat universitetida Muzrabot xizmat koʻrsatish, Uzun qishloq xoʻjalik hamda Jarqoʻrgʻon biznes va yengil sanoatlari texnikumlarining bitiruvchi oʻquvchilari uchun “Ochiq eshiklar kuni" tashkil etildi.
Dastlab oʻquvchilarga universitet faoliyati, mavjud 13 ta fakultet va ulardagi yoʻnalishlar boʻyicha maʼlumotlar berildi. Oʻquvchilar uchun universitet boʻylab tur tashkil etilib, axborot-resurs markazi, fakultetlar va kafedralar, oliygoh tuzilmasidagi Qatagʻon qurbonlari xotirasi muzeyi bilan tanishtirildi.
Universitet hayoti ishtirokchilarda katta qiziqish uygʻotdi. Tadbirda barcha savollarga amaldagi jarayonlar koʻrsatilgan holda batafsil javob berildi.
