Termiz davlat universiteti rus va qardosh tillar fakultetida "Tojik filologiyasi va sharq tillari" kafedrasi hamda "Surxondaryo tojik madaniyati markazi" hamkorligida Tojikiston xalq shoirasi, A.Ro'dakiy nomidagi davlat mukofoti sohibasi, Gulruxsor Safiyeva bilan "Gulruxsor — so'z farishtasi" mavzusida ijodiy uchrashuv tashkil etildi.
Uchrashuvda shuningdek, Tojikiston Milliy Akademiyasi qoshidagi A.Ro'dakiy nomli til va adabiyot instituti katta ilmiy xodimi, adabiyotshunos Anzurat Malikova, shoir va tarjimon Ibrohim Do'stalizoda, professor-o'qituvchilar hamda talabalar ishtirok etishdi.
Tadbirda shoira o'z hayoti va ijodi haqida eng muhim jihatlarga to'xtaldi. Vatan, Ona, muhabbat va sadoqat, yoshlik mavzularidagi she'rlaridan parchalar o'qidi.
