Termiz davlat universitetida Janubiy Koreyadagi Sejong universiteti professor, vatandoshimiz Otabek Joʻrayev va talabalar uchrashuvi boʻlib oʻtdi.
Unda mazkur universitet imkoniyatlari, taʼlim yoʻnalishlari, talabalar uchun yaratilgan shart-sharoitlar, imkoniyatlari, Sejong universiteti qabul jarayonlari, yangi mutaxassisliklar, taʼlim grantlari toʻgʻrisida taqdimot qilindi.
Maʼlumot uchun, xalqaro THE reytingida 250, QS reytingida 436-oʻrinni egallagan Sejong universiteti elektronika va axborot, mehmonxona va turizmni boshqarish, raqs, animatsiya va badiiy gimnastika yo'nalishlarida mutaxassislarni tayyorlash bo'yicha ajralib turadi.
Shuningdek, uchrashuvda TerDU va Sejong universiteti o‘rtasida AI Finance MBA dasturini va talabalarimizni Sejong universitetida 6 oy yoki 1 yil davomida imtiyozli o‘qish dasturlarini yo'lga qo'yish haqida atroflicha maʼlumot berildi.
Talabalar Sejong universitetida taʼlim olish shartlari, grantning afzalliklari boʻyicha o'zlarini qiziqtirgan barcha savollariga professordan batafsil javob olishdi.
