Termiz davlat universitetida MFaktor loyihasi asoschisi hamda Jalinga Global kompaniyasining rivojlanish bo’yicha direktori Hasan Mamаsaidov ishtirokida universitetning yosh liderlari, kelajak rahbarlari - talabalar uchun motivatsion uchrashuv tashkil etildi.
Rektor Abduqodir Toshqulov ochiq va samimiy ruhdagi uchrashuvni ochib berar ekan, bu zalda boʻladigan suhbat bugun 70 foiz ishtirokchilarning hayot yoʻllarini keskin oʻzgartirib yuborishiga ishonch bildirdi.
Tajribali tadbirkor, spiker, ustoz talabalarga muvaffaqiyat va liderikka erish sirlarini oʻzining hayoti davomida erishgan yutuq va ba’zi qiyinchiliklari misolida soʻzlab berdi. Tadbirkor suhbat davomida biznesdagi ilk qadamlari, oilaviy tadbirkorlikning turli jihatlariga ham to'xtalib o'tdi.
H.Mamasaidov: Hayotimizda 4 ta asosiy resurs muhim oʻrin tutadi: bular — baxt, energiya, pulga boʻlgan ehtiyoj va hurmat-izzat statusi.
Yakunda talabalar oʻzlarini qiziqtirgan savollarga batafsil javob olishdi.
