Bugun Termiz davlat universiteti hovlisi har doimgidan ham gavjum, har doimgidan ham quvonchli va hayajonga boy. Chunki bugun minglab yoshlarning hayotida yangi va eng mas’uliyatli bosqich — talabalik davri boshlandi!
Talabalik baxtiga erishgan aziz yoshlarimiz har bir fakultetda samimiy va ko‘tarinki ruhda kutib olindi.
Yangi do‘stlar, mehribon ustozlar va cheksiz imkoniyatlar sari qadam qo‘ygan talabalarimiz uchun birinchi dars soatlari ham alohida shukuh bilan o‘tdi. Barcha auditoriyalarda “Yagona Vatan, yagona xalq bo‘lib, yangi hayot va kelajak yaratamiz!” g‘oyasi ostida “Mustaqillik darslari” tashkil etildi.
Aziz talabalar! Universitetimiz oilasiga xush kelibsiz! Bilim olishdan, izlanishdan va orzu qilishdan hech qachon to‘xtamang. Yangi o‘quv yili barchangizga ulkan zafarlar va omad keltirsin!
