Rektor Italiyaning Salento universiteti rahbari professor Fabio Pollise boshchiligidagi delegatsiyani qabul qildi.
Uchrashuv davomida ikki tomonlama aloqalarni rivojlantirish va istiqboldagi rejalar yuzasidan fikr almashildi.
Hamkorlikdagi tadqiqotlar, qoʻshma taʼlim dasturlari, ilmiy hamda arxeologik tadqiqot rejalarini amalga oshirish kabi masalalar muhokama qilindi.
Uchrashuvda ikki universitet o‘rtasida ko‘rilgan masalalar bo‘yicha hamkorlik memorandumi imzolandi.
Ma'lumot uchun: Salento universiteti - Italiyaning Lechche shahrida joylashgan universitet bo'lib, 1955-yilda Juzeppe Codacci Pisanelli tomonidan asos solingan. 2024-yilda Times Higher Education (THE) World University Rankings ma’lumotlariga ko‘ra 601–800 o‘rinni egalladi.
