Termiz davlat universiteti Kengashining navbatdagi yig‘ilishida kengash aʼzolari rektorat majlislar zalida bevosita, qolgan ishtirokchilar fakultetlarda videokonferensiya aloqa (ZOOM) orqali onlayn ishtirok etishdi.
Kengash avvalida muvaffaqiyat va yutuqlarga erishgan, ilmiy unvon hamda ilmiy daraja olgan professor-o‘qituvchilarga diplom attestatlari tantanali ravishda topshirildi.
Kun tartibida O‘zbekiston Respublikasi Prezidentining 2022-yil 28-yanvardagi “2022-2026 yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF-60-sonli farmonida belgilangan vazifalar Termiz davlat universitetida bajarilishi to‘g‘risida, universitetning 2021-yil bo‘yicha milliy reytingdagi o‘rni tahlili: yutuqlar, muammo va kamchiliklar, vazifalar hamda pedagog xodimlarni tanlov asosida ishga qabul qilish va boshqa masalalar ko‘rib chiqildi.
Kengash aʼzolari universitet professor-o‘qituvchilari tomonidan tayyorlangan darslik, monografiya, risola hamda o‘quv qo‘llanmalarni nashr etish uchun tasdiqlab berishdi.
Shuningdek, darslik, monografiya, o‘quv qo‘llanmalari nashr etilganlar ham qutlandi.
Yakunda kun tartibiga qo‘yilgan qator masalalar yuzasidan takliflar olindi va ularning ijrosi bo‘yicha qarorlar chiqarildi.
