Ona tilimizga eʼtiborni, mehr-muhabbatni kuchaytirish, tilimizni mukammal bilishga, milliy o‘zlikni anglashga, qadriyatlarni eʼzozlashga hamda ona tili millat maʼnaviyatining ko‘zgusi ekanligini uqtirish maqsadida Termiz davlat universiteti Axborot resurs markazida "O‘zbek tiliga davlat tili maqomi" berilganligining 33 yilligiga bag‘ishlab "O‘zbek tilim-o‘zligim" nomli adabiy-badiiy kecha bo‘lib o‘tdi.
Unda Ijtimoiy fanlar fakulteti dekani N.Achilov, Boshlang‘ich taʼlim kafedrasi mudiri D.Kadirova va o‘qituvchisi K.Temirovalar hamda faol talaba-yoshlari ishtirok etdi.
Kecha davomida iqtidorli talabalar tomonidan ijro etilgan go‘zal sheʼrlar, kuy-qo‘shiqlar hamda ajoyib sahna ko‘rinishi yig‘ilganlarda o‘zgacha taassurot qoldirdi.
