Termiz davlat universitetiga 2022-2023 o’quv yili uchun bakalavriat bosqichiga hujjat topshirgan ko’zi ojiz va zaif ko’ruvchi abituriyentlarning imtihoni bo’lib o’tdi.
Dastlab, universitet rektori A.R.Maraximov barcha abituriyentlar bilan suhbatlashdi hamda ularning ilmiy faoliyat bilan shugʻullanib, oʻz sohasining yetuk mutaxassisi boʻlishi lozimligini taʼkidlab, iliq tilaklarini bildirib oʻtdi.
Oliygohda ko'zi ojiz abituriyentlar uchun barcha qulay sharoitlar yaratilgan. Imtihon jarayonlarini Surxondaryo viloyati Ko'zi ojizlar jamiyati direktori Jovliyev Bekmurod Bekmurodvich ham kuzatib bordi.
21 nafar abituriyent 9 ta ta’lim yo’nalishi – Yurisprudensiya. Tarix, Filologiya va tillarni o’qitish: o’zbek tili, Filologiya va tillarni o’qitish: ingliz tili, Filologiya va tillarni o’qitish: rus tili, Psixologiya: amaliy psixologiya, Kompyuter ilmlari va dasturlash texnologiyalari, Fizika, Matematika yo’nalishlarida imtihon topshirishdi.
Abituriyentar imtihonlarni mutaxassislik fanlardan yozma shaklda brayl alifbosida va amaliy tarzda topshirishdi.
