Termiz davlat universitetida 60210400 - Dizayn (milliy kostyum) ta’lim yo‘nalishi D-1, D-2, D-3 guruhlari hamda 61010300 - Sport faoliyati (kurash) ta'lim yo’nalishi S-1, S-2, S-3 guruhlari abituriyentlari uchun kasbiy (ijodiy) imtihonlari davom etmoqda.
Kasbiy (ijodiy) imtihonlarning bosh maqsadi – abituriyentlarning tanlangan mutaxassislik bo‘yicha imkoniyatlarini aniqlash, bilimlari va malakalari darajalarini, kasbiy ko‘nikmalarini, ijodiy hamda jismoniy qobiliyatlarini baholashdir.
Eslatib o‘tamiz! Imtihonlar 3-5-avgust kunlari Dizayn (milliy kostyum) ta’lim yo‘nalishi abituriyentlari uchun TerDU 2-o‘quv binosida, Sport faoliyati (kurash) ta'lim yo’nalishi abituriyentlari uchun oliygoh sport majmuasida bo‘lib o‘tadi.
