Ayni damda mamlakatimizda muhim siyosiy jarayon “O’zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida to‘g‘risida”gi O‘zbekiston Respublikasining Konstitusiyaviy qonuni loyihasiga bag’ishlab ayrim joylarda umumxalq muhokamasi bo’lib o’tmoqda
Bugun ham ushbu siyosiy jarayonga bag’ishlangan muloqot Termiz davlat universiteti va “Yuksalish” umummilliy harakati Surxondaryo viloyati bo‘linmasi hamkorligida o’tkazildi.
Muloqotda Termiz davlat universiteti Yoshlar bilan ishlash, ma'naviy-marifiy ishlar bo'yicha prorektor O.Shofiyev, kafedra mudiri, tarix fanlari doktori, professor Sh.Shaydullayev va “Yuksalish” umummilliy harakati Surxondaryo viloyati bo‘linmasi rahbari G.Amirova ishtirok etishib, Bosh qomusimizga kiritilayotgan o‘zgartish va qo‘shimchalar to‘g‘risida atroflicha ma’lumot berdi.
Shuningdek konstitusiyaga kiritilayotgan tuzatishlarning Yangi O‘zbekistonni yangi bosqichda yuksaltirishdagi o‘rni, insonning huquq va erkinliklari, tadbirkorlik va yerga oid masalalar, oila, mehnat munosabatlari, sud-huquq sohasi, ta’lim, tibbiyot, ekologiya va boshqa ko‘plab yo‘nalishlarda taklif etilayotgan o‘zgartirishlarning ahamiyatini tahlil qildi. Ta’lim sohasiga oid bandlar muhokama etildi.
Asosiy qonunimizni takomillashtirishga qaratilgan konstitusiyaviy islohot bilan aholi keng qatlamlari xabardorligini oshirish yuzasidan taklif va tavsiyalar bildirildi.
