Bugun Surxondaryo viloyati hokimi T.A.Bobolov oliy ta’lim muassalari talaba yoshlari bilan suhbatlashish, ularni qiynayotgan muammolarni o‘rganish, shuningdek, yoshlarning bandligini ta’minlash maqsadida Termiz davlat universitetining faollar zalida uchrashuv o‘tkazdi.
Uchrashuvda dastavval so‘nggi yillarda viloyatimiz ilm-fan, talabalarni ish bilan ta’minlash borasida hamda oliy ta’lim sohasida amalga oshirilayotgan amaliy ishlar va istiqboldagi rejalar haqida to‘xtalib o‘tildi.
Bundan tashqari mamlakatimizda kechayotgan siyosiy jarayon ya’ni O’zbekiston Respublikasi Konstitutsiyasiga o‘zgartirishlar kiritilishiga barcha fuqarolarning, yoshlarning ham munosabati muhimligi ta’kidlandi
Uchrashuv davomida talabalarni qiynayotgan muammo va takliflar tinglandi hamda talabalarning tayyorlagan starap loyihalari namoyish etildi.
