Termiz davlat universitetda Vengriyaning Mate universiteti vakili, Surxondaryo viloyati innovatsion rivojlanish boshqarmasi va universitet vakillari bilan uchrashuv bo‘lib o‘tdi.
Unda TerDU xalqaro hamkorlik bo‘yicha prorektor M.Xoshimxo‘jayeva, bo‘lim boshlig‘i U.Eshmuratov, Innovatsiya bo‘limi boshlig‘i Kichkinov Sherxon va professor Piter Laslo ishtirok etishdi.
Dastlab prorektor M.Xoshimxo‘jayeva tomonidan universitet va ta’lim jarayonlarini tashkil qilinishi to‘g‘risida ma’lumolar berib o‘tildi.
Vengriya institutlarining reytingi, grantlar, Agroturizm va qishloq xo‘jaligi yo‘nalishida innovatsion yondashuvlar haqida fikrlar bildirildi.
Uchrashuv so‘ngida Kimyo fakultetining laborotoriya xonalari bilan tanishildi va Laslo texnik qurilmalarni qo‘llanilishi va laborotoriyalar qaysi maqsadlarda foydalanilishi to‘g‘risida qiziqish bildirdi.
