Termiz shahrida “Yangi O‘zbekiston yoshlari, birlashaylik!” shiori ostida bo‘lib o‘tayotgan viloyat festivali bayramona yurish marafoni bilan davom etdi. Minglab yigit-qizlar Termiz shahridagi “ICEBERG” ko‘ngilochar markazi binosi oldidan festival o‘tayotgan San’at saroyi bog‘igacha bo‘lgan masofani bosib o‘tishdi.
Ishtirokchi yoshlarning yuz-ko‘zidagi quvonchni ko‘rib, ularning ertangi kunga ishonchi yauksakligiga, jonajon O‘zbekistonimiz kelajagi va ravnaqiga hissa qo‘shishga doim shayligiga amin bo‘lasiz.
Shubha yo‘qki, bu festival yigit-qizlarimizni Yangi O‘zbekiston ravnaqi yo‘lida birlashishlarida, hamnafas bo‘lishlarida muhim ahamiyat kasb etadi.
