Konstitutsiya – mustaqilligimizni mustahkamlash, xalqimizning tinch-osuda, farovon hayotini ta’minlashning muhim asosidir. Uning hayotimizdagi o‘rni va ahamiyatini keng targ‘ib etish, aholi, ayniqsa, yoshlar ongu shuurida Vatanga sadoqat, qonunlarimizga hurmat tuyg‘usini mustahkamlash maqsadida o‘tkazilayotgan uchrashuv, davra suhbati, ochiq muloqot va boshqa madaniy-ma’rifiy tadbirlar yuksak samaralar bermoqda.
Termiz davlat universitetida Tadbirkorlar va ishbilarmonlar harakati – O’zbekiston Liberal-demokratik partiyasi “O‘zbekiston Respublikasi Konstitutsiyasini takomillashtirish bo‘yicha tuzilgan milliy komissiyada hamda konstitutsiyaviy islohotlarni amalga oshirishda O’zLiDePning ishtiroki” mavzusida davra suhbati bo‘lib o‘tdi.
Uchrashuvni Termiz davlat universiteti O‘quv ishlari bo‘yicha prorektori R.To‘rayev ochib berdi hamda O‘zbekiston Respublikasi Oliy Majlis Qonunchilik palatasi spikeri o‘rinbosari, O‘zLiDeP Siyosiy Kengash Ijroiya qo‘mitasi raisi, Konstitutsiyaviy komissiya raisi o‘rinbosari A.Xaitov “O‘zbekiston Respublikasi Konstitusiyasini takomillashtirish bo‘yicha tuzilgan milliy komissiya hamda konstitusiyaviy islohotlarni amalga oshirishda O‘zLiDePning ishtiroki to‘g‘risida nutq so‘zladi. Professor-o‘qituvchilar mavzusi bo‘yicha fikr va mulohazalar bildirishdi.
