Jamiyatimizda sog‘lom turmush tarzini qaror toptirish davlat siyosati darajasiga ko‘tarilib, ayni vaqtda mamlakatimizda jismoniy jihatdan yetuk, sog‘lom avlodni tarbiyalash borasidagi tub islohotlar bosqichma-bosqich amalga oshirib kelinmoqda. Prezidentimizning “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to‘g‘risida”gi qarorida ham bu yo‘nalishda amalga oshirilishi ko‘zda tutilgan muhim vazifalar o‘z ifodasini topgan.
Mazkur qaror ijrosini ta’minlash hamda aholi o‘rtasida sog‘lomlashtirish, jismoniy tarbiya, ommaviy badantarbiya ishlarini tashkil etish yuzasidan viloyat hokimi To‘ra Bobolov tomonidan tasdiqlagan reja- grafikka asosan viloyat hokimligi majmualari, oliy taʼlim muassasalari talabalari, professor-oʼqituvchilari, boshqarma, tashkilotlar Termiz shahridagi “Surxon Arena” sport majmuasida bugun erta tongdan jam bo‘lishdi.
