Joriy yilning 2-iyun kuni Termiz davlat universiteti Tabiiy fanlar fakultetida Surxondaryo viloyati Termiz shahar Favqulodda vaziyatlar bo‘limi 1-Yong’in qutqaruv qismi xodimlari ishtirokida yong’in o’chirish amaliy taktik o’quv mashg’uloti o‘tkazildi. Unda fakultetning professor-o‘qituvchilari, tyutor hamda talabalari ishtirok etishdi.
Tadbir davomida ishtirokchilarga mas'ul xodimlari tomonidan yong‘inlar va favqulodda vaziyatlarni oldini olish, yong‘in sodir bo‘lganda harakatlanish tartib-qoidalari xususida batafsil ma’lumotlar berildi. Shuningdek, shartli ravishda sodir bo‘lgan yong‘inni bartaraf etishda birlamchi yong‘in o‘chirish vositalaridan foydalanish amaliy tarzda ko‘rsatib berildi.
