Bugungi kunda O'zbekiston xotin-qizlar hayotimizni barcha soha va tarmoqlarida o'zlarini to`la namoyon etib kelmoqda. Shu tufayli ularning iqtidorlarini yuzga chiqarish maqsadida Termiz davlat universiteti hamda Surxondaryo viloyat Oila va xotin-qizlar boshqarmasi hamkorligida TerDU Ijtimoiy fanlar fakultetida “Innowomenweek" xotin-qizlarning innovatsion haftaligining ochilish marosimi bo’lib o’tdi.
Unda Termiz muhandislik-texnologiya instituti dotsenti, pedagogika fanlar doktori O'.Sultanova, TerDU Pedagogika instituti xotin-qizlar masalalari bo‘yicha kengash raisi S.Tursunova, TerDU Boshlangich ta‘lim kafedrasi mudiri, biologiya fanlari nomzodi, dotsent, D.Qodirova, Texnika fanlari bo'yicha falsafa doktori (PhD) N.Amonova, O'zbekiston Respublikasi Adliya vazirligi "O'qituvchilar Assotsatsiyasi" jamoat birlashmasining Surxandaryo viloyati bo'limi rahbari, TerDU Milliy libos va san'at fakultetining Musiqa ta'limi kafedrasi o'qituvchisi D.Raxmonova, Termiz davlat universiteti Xotin-qizlar masalalari bo’yicha Kengash raisi D.Hamzayeva tyutor va talaba qizlar ishtirok etishdi
Shuningdek, haftalik davomida:
“TECHNOWOMENUZ” forumi;
Hokim o’rinbosarining iqtidorli qizlar bilan uchrashuvi;
“Ilm-fan va innovatsiyalarni tashkil etishda olima xotin-qizlar va iqtidorli talaba qizlarning o’rni” mavzusida ilmiy-amaliy seminar;
“Tibbiyotda zamonaviy tadqiqotlar, olima ayollarning yutuqlari va innovatsiyalari” mavzusida ilmiy-amaliy seminar;
“Muhandislik-texnologiya sohalarini rivojlantirishda xotin-qizlarning o’rni” mavzusida ilmiy-amaliy seminar;
Startapdan ekspertgacha zamonaviy innovatsion g’oyalar bo’yicha ko’rgazmalar tashkil etish;
“Tabiat va tabobat olamida ayollarning roli” mavzusida ilmiy-amaliy konfirensiya o’tkazish kabi tadbirlar o’rin olgan.
Haftalik so’ngida faol ishtirok etgan xotin-qizlar va talaba yoshlar diplom hamda esdalik sovg’alar bilan taqdirlanishadi.
