Turkiyaning Istanbul shahrida o‘tkazilgan VII Xalqaro "Buyuk Ipak yo‘lida yulduzlar nuri" ("Svet zvezd na Velikom Shyolkovom puti") tanlov-festivalida Termiz davlat universitetining "Jayhun" folklor-etnografik jamoasi munosib ishtirok etib, yuksak mahorati hamda milliy san'atimizga xos betakror chiqishlari bilan xalqaro e'tirofga sazovor bo‘ldi.
.jpg)
Mazkur nufuzli xalqaro tanlov Turkiyaning madaniy markazlaridan biri — Istanbul shahrida tashkil etilib, unda turli mamlakatlardan iqtidorli yoshlar, ijodiy jamoalar va san'at namoyandalari ishtirok etdi. Tanlovning asosiy maqsadi millatlar o‘rtasidagi madaniy aloqalarni mustahkamlash, yosh iste'dodlarni qo‘llab-quvvatlash hamda xalqlar o‘rtasidagi do‘stlik rishtalarini yanada rivojlantirishdan iborat.
.jpg)
TerDUning "Jayhun" folklor-etnografik jamoasi milliy qadriyatlarimiz, urf-odatlarimiz va boy madaniy merosimizni munosib tarzda namoyish etib, xalqaro sahnada universitetimiz va yurtimiz sharafini munosib himoya qildi.
Ushbu yutuq munosabati bilan jamoa a'zolari va ularning rahbarlarini samimiy muborakbod etamiz! Kelgusida ham ularga ulkan zafarlar, yangi ijodiy yutuqlar va xalqaro maydonlarda yanada yuksak muvaffaqiyatlar tilaymiz!
Termiz davlat universiteti — milliy qadriyatlar va san'at elchisi!
