Termiz davlat universitetining Ijtimoiy fanlar hamda Iqtisodiyot fakultetlari bitiruvchilari uchun “Karera kuni” tadbiri o‘tkazildi.
Tadbirda universitetning asosiy buyurtmachi tashkilotlari bilan bir qatorda 10 dan ortiq davlat va nodavlat muassasalari ham ishtirok etib, bitiruvchilarga mavjud bo‘sh ish o‘rinlarini taqdim etdi. Shuningdek, ishtirokchilar tashkilotlarning faoliyati, ish sharoitlari va vakant lavozimlari haqida ko‘rgazmali hamda tarqatma materiallar orqali batafsil ma’lumot oldilar.
Joriy o‘quv yilida Ijtimoiy fanlar fakultetining psixologiya, ijtimoiy ish, kutubxona-axborot faoliyati, boshlang‘ich ta’lim hamda maktabgacha ta’lim yo‘nalishlarini jami 823 nafar talaba tamomlamoqda. Ahamiyatli jihati shundaki, bitiruvchilarning 70 foizining bandligi allaqachon ta’minlangan.
Mazkur tadbir bitiruvchilarning mehnat bozoriga muvaffaqiyatli kirib borishi, ish beruvchilar bilan bevosita muloqot o‘rnatishi hamda munosib ish o‘rinlariga ega bo‘lishida muhim platforma bo‘lib xizmat qildi.
