Termiz davlat universiteti rektori A. Toshqulov mas’ullar hamrohligida Iqtisodiyot fakultetida 2026–2027-o‘quv yiliga tayyorgarlik doirasida amalga oshirilayotgan ishlar bilan tanishdi.
Rektor ko‘rsatmasiga muvofiq, fakultet binosining har bir qavatida kafedralar faoliyatiga mos zamonaviy muhit yaratiladi. Amaliyot xonalari, auditoriyalar va zallar yangicha qiyofa kasb etib, yanada shinam va qulay ko‘rinishga keltiriladi. Auditoriyalar esa zamonaviy o‘quv jihozlari bilan uyg‘un holda joriy ta’mirlanmoqda.
Ma’lumot o‘rnida: bugungi kunda fakultet tarkibida 3 ta kafedra faoliyat yuritib, 41 nafar professor-o‘qituvchi 2 655 nafar talabaga sifatli ta’lim berib kelmoqda. Talabalarning puxta bilim olishi uchun 31 ta seminar auditoriyasi, 8 ta ma’ruza zali va 2 ta kompyuter xonasi xizmat qilmoqda.
Tizimli tayyorgarlik ishlari fakultetda ta’lim sifati va infratuzilma sharoitlarini yanada yaxshilashga xizmat qiladi.
