Termiz davlat universitetining bir guruh professor-o‘qituvchilari Surxondaryo viloyati hokimi boshchiligidagi delegatsiya tarkibida Prezidentimizning joriy yil 2-iyun kuni kimyo sanoatini rivojlantirish masalalariga bag‘ishlangan videoselektor yig‘ilishida belgilab bergan ustuvor vazifalar ijrosi doirasida “Chirchiq” texnoparki faoliyatini o‘rganmoqda.
🟢Tashrif davomida texnoparkning zamonaviy boshqaruv modeli, tashkiliy tuzilmasi, rezidentlar uchun yaratilgan qulay sharoit va imtiyozlar, innovatsion ishlab chiqarish jarayonlari hamda eksportbop mahsulotlar ishlab chiqarish tajribasi atroflicha tahlil qilinmoqda.
🟢Mazkur o‘rganishlar asosida Surxondaryo viloyatida kimyo sanoatini yangi bosqichga olib chiqish, ilm-fan va ishlab chiqarish integratsiyasini kuchaytirish, yuqori qo‘shilgan qiymatga ega mahsulotlar ishlab chiqarishga qaratilgan istiqbolli loyihalar ustida ish olib borilmoqda.
🟢Termiz davlat universiteti ilmiy salohiyati va amaliy tajribasini hudud taraqqiyoti yo‘lida safarbar etib, mamlakatimiz kimyo sanoatini rivojlantirishga munosib hissa qo‘shishda davom etadi.
