"Yangi O‘zbekiston talabalari Olimpiadasi” sport musobaqalarining Surxondaryo viloyati hududiy bosqichida Termiz davlat universiteti talabalari yuksak natijalarni qayd etib, viloyatdagi 6 ta oliy ta’lim muassasasi orasida mutlaq ustunlikni namoyon etdi.
Sportning 7 ta turi bo‘yicha o‘tkazilgan bahslarda universitetimiz sportchilari futbol, voleybol, basketbol (3x3), stol tennisi, yengil atletika, suzish hamda gandbol sport turlarida g‘oliblikni qo‘lga kiritib, respublika final bosqichi yo‘llanmasiga sazovor bo‘ldi. Ayniqsa, gandbol sport turi bo‘yicha ham erkaklar, ham qizlar jamoalarining chempionlikni qo‘lga kiritgani TerDU sport maktabining yuksak salohiyatini yana bir bor namoyish etdi.Ishonamizki, viloyat bosqichida barcha raqiblarini ortda qoldirgan
TerDU sportchilari respublika final bahslarida ham o‘z mahorati, matonati va g‘alabaga bo‘lgan intilishi bilan universitetimiz nufuzini yanada yuksaltiradi.
