Ayni kunlarda olim Ko‘hitang tog‘lari hamda Surxon davlat qo‘riqxonasi hududida ilmiy tadqiqotlar olib bormoqda. Ekspeditsiyalarda TerDUning biologiya fanlari bo‘yicha falsafa doktori Shoira Abdulazizova va uning shogirdlari — tayanch doktorantlar ham faol ishtirok etmoqda.
E’tiborlisi, aynan Shoira Abdulazizova tomonidan ushbu hududdan fan uchun yangi avlod va yangi tur — Neofruticicola donum kashf etilgan edi. Joriy ekspeditsiya davomida esa ushbu noyob turning tirik namunalari yig‘ilib, molekulyar-genetik tahlillar uchun tayyorlandi.
Tadqiqotlar natijasida Surxondaryoning g‘orlari va buloqlarida hali fan uchun noma’lum bo‘lgan noyob mikro-mollyuskalarni aniqlash, ularni xalqaro ilmiy jurnallarda e’lon qilish hamda hudud bioxilma-xilligini dunyoga tanitish rejalashtirilgan.
