Bugun Termiz davlat universiteti rektori, professor A. Toshqulov “Talabalar teatr studiyalari” festivalining final bosqichi ishtirokchilari bilan uchrashdi.
Ma’lumki, bundan bir muddat avval Samarqand shahrida bo‘lib o‘tgan “Talabalar teatr studiyalari” festivalining 3-mintaqaviy yarim final bosqichida Termiz davlat universiteti jamoasi munosib ishtirok etib, faxrli I o‘rinni qo‘lga kiritgan hamda final yo‘llanmasiga sazovor bo‘lgan edi.
Joriy yilning 18–20-may kunlari Andijon viloyati Musiqali drama teatrida, amaldagi festival g‘olibi — Andijon davlat pedagogika instituti mezbonligida respublika tanlovining final bosqichi o‘tkaziladi.
Uchrashuv davomida rektor yosh iste’dodlarning yutuqlarini alohida e’tirof etib, ularning tashabbus va takliflarini qo‘llab-quvvatladi. Samimiy muloqotlarda talabalar zimmasidagi mas’uliyat, san’at orqali milliy qadriyatlarimizni tarannum etishdek sharafli vazifa haqida so‘z yuritilib, jamoaga katta ishonch bildirildi.
Final bosqichida quyidagi 9 ta oliy ta’lim muassasasi jamoalari ishtirok etadi:
🟢 Ma’mun universiteti
🟢 Qarshi davlat universiteti
🟢 Termiz davlat universiteti
🟢 Farg‘ona davlat universiteti
🟢 Samarqand davlat universiteti
🟢 Buxoro davlat tibbiyot instituti
🟢 Central Asian Medical University
🟢 Shahrisabz davlat pedagogika instituti
🟢 O‘zbekiston xalqaro islomshunoslik akademiyasi
Festival g‘oliblari Oliy ta’lim, fan va innovatsiyalar vazirligi tomonidan diplom, statuetka hamda pul mukofotlari bilan taqdirlanadi.
TerDUning iste’dodli yoshlari nafaqat ilm-fanda, balki san’at maydonida ham universitet sha’nini munosib himoya qilayotganlari barchamiz uchun faxrdir!
