9-may — Xotira va qadrlash kuni munosabati bilan Termiz davlat universitetida ma’naviy-ma’rifiy tadbirlar tashkil etilmoqda. 72-yillik tarixga ega TerDU ravnaqiga munosib hissa qo‘shgan ustozlar xotirasini yod etish, ularning yaqinlari holidan xabar olish va ehtirom ko‘rsatishga alohida e’tibor qaratilmoqda.
Fakultet hamda kafedralar kesimida professor-o‘qituvchilar marhum hamkasblari oilalariga tashrif buyurib, ezgu an’analarni davom ettirmoqda.Bunday tashabbuslar yoshlar qalbida qadriyat, sadoqat va insoniylik tuyg‘ularini mustahkamlashga xizmat qilmoqda.
