TerDUda “O‘zbekistonda tarix va etnologiya ilmlarining rivojlanish tamoyillari va dolzarb masalalari” mavzusidagi nufuzli xalqaro ilmiy-nazariy anjuman yuqori saviyada davom etmoqda.
Anjuman ochilishida universitet rektori A. Toshqulov ishtirok etib, bugungi globallashuv davrida tarixchilar oldida turgan dolzarb vazifalar haqida alohida to‘xtalib o‘tdi.
Professor Saypulla Tursunov tavalludining 70 yilligiga bag‘ishlangan mazkur anjumanda respublikamiz hamda xorijiy davlatlarning nufuzli OTMdan tashrif buyurgan professor-o‘qituvchilar, olimlar va ilmiy tadqiqotchilar faol ishtirok etmoqda.
Anjuman tarix va etnologiya fanlari taraqqiyoti, xalqaro ilmiy hamkorlikni mustahkamlash hamda milliy merosimizni chuqur o‘rganish yo‘lidagi muhim ilmiy maydon sifatida alohida ahamiyat kasb etmoqda.
