🟢Termiz shahrida “Talaba Expo – 2026” tadbiri yuqori saviyada o‘tkazilmoqda.
🟢Mazkur loyiha — bitiruvchi yoshlarning bandligini ta’minlash, ularning kasbiy yo‘nalishini aniqlash hamda biznes tashabbuslarini qo‘llab-quvvatlashga qaratilgan muhim platformadir.
🟢Tadbirning tantanali ochilish marosimida Surxondaryo viloyati hokimligi vakillari, O‘zbekiston Respublikasi Oliy ta’lim, fan va innovatsiyalar vazirining birinchi o‘rinbosari, “O‘zmilliybank” AJ “Kelajakka qadam” markazi direktori ishtirok etib, yoshlar uchun yaratilayotgan imkoniyatlar haqida o‘z fikrlarini bildirdilar.
🟢Termiz shahridagi “Bobur” istirohat bog‘ida tashkil etilgan ko‘rgazmada 100 dan ortiq korxona va tashkilotlar tomonidan yuzlab bo‘sh ish o‘rinlari, amaliyot va stajirovka imkoniyatlari xususida ma’lumotlar taqdim etilmoqda. Talaba-yoshlar ish beruvchilar bilan bevosita muloqot qilish, o‘z salohiyatini namoyon etish hamda kelajak kasbiga ilk qadam qo‘yish imkoniyatiga ega bo‘lmoqda.
🟢Yoshlar jam bo‘lgan manzilda sport musobaqalari ko‘ngil ochar tadbirlar ham tashkil etilmoqda. “Talaba Expo – 2026” — bu nafaqat ko‘rgazma, balki har bir yosh uchun yangi imkoniyatlar eshigi!
