Termiz davlat universiteti rektori mas’ullar hamrohligida universitet kampusini aylanib chiqdi. Tashrif davomida yuridik maslahat markazi, Yoshlar markazi hamda Registrator ofisi faoliyatida yaratilgan qulayliklar va amalga oshirilayotgan loyihalar bilan yaqindan tanishildi.
Shuningdek, hududlarda olib borilayotgan obodonlashtirish ishlari, sport maydonchalaridan samarali foydalanish holati ham ko‘zdan kechirildi. Mazkur jarayonlar talaba-yoshlar uchun yanada qulay muhit yaratish hamda ularning bo‘sh vaqtini mazmunli tashkil etishga xizmat qilmoqda.
