Dastlab Kengash raisi A. Toshqulov yig‘ilishni o‘tkazish uchun kvorum yetarli ekanligini ta’kidlab, Kengash a’zolarining tasdig‘idan o‘tkazdi.
Shundan so‘ng "Termiz universiteti" gazetasining 2025-yil 29-dekabrdagi 18-19 (389-390)-sonida e’lon qilingan vakant ish o‘rinlari, jumladan, kafedra mudiri, professor, dotsent, katta o‘qituvchi, o‘qituvchi va o‘qituvchi-stajyor lavozimlariga ishlash uchun tanlovlarda muvaffaqiyatli ishtirok etgan professor-o‘qituvchilarning nomzodi elektron platforma orqali Kengash a’zolari tomonidan ovoz berish yo‘li bilan tasdiqlandi.
E’tiborli jihati jarayonda tanlovga hujjat topshirgan professor-o‘qituvchilarning o‘quv, ilmiy, ma’naviy-ma’rifiy faoliyati ko‘rsatkichlari, shuningdek KPI natijalari xususida batafsil ma’lumotlar taqdim etildi.
Mazkur tanlov asosida jami 39 nafar professor-o‘qituvchilar ish o‘rniga ega bo‘lishdi. Jarayonlarni bevosita ularning o‘zlari ham kuzatgani Kengash a’zolariga ustozlarning zimmalaridagi vazifalar yana bir bor uqtirish imkonini berdi.
