Unda O‘zbekiston Mahallalar uyushmasi raisi Q. Quronbayev, Respublika Ma’naviyat va ma’rifat markazi rahbari O. Xasanov, Sport vaziri maslahatchisi Sh. Mo‘minjonov, Yoshlar ishlari agentligi direktori A. Sadullayev hamda Oliy ta’lim, fan va innovatsiyalar vazirligi mas’ul xodimi X. Eshov ishtirok etdi.
Tashrif doirasida “Rektor kubogi” sport musobaqalariga start berilib, uning jarayonlari bilan tanishildi. Shuningdek, universitetdagi ilmiy loyihalar, sun’iy intellekt asosidagi boshqaruv tizimi hamda talaba-yoshlar uchun yaratilgan shart-sharoitlar ko‘zdan kechirildi.
Talabalar startap loyihalarini taqdim etib, ayrimlari moliyaviy qo‘llab-quvvatlashga tavsiya qilindi. Yakunda ochiq muloqot o‘tkazilib, yoshlarning taklif va tashabbuslari tinglandi.
