2026-yil 23-mart kuni Termiz davlat universitetida “Ipak yo‘li arxeologiyasi, fan va texnologiyalar hamda madaniy merosni muhofaza qilish bo‘yicha xalqaro trening kursi” boshlandi.
Mazkur nufuzli tadbirda xorijiy va mahalliy akademiklar, yetakchi olimlar hamda yosh tadqiqotchilar jam bo‘ldi. Jumladan, Oʻzbekiston Respublikasi Fanlar akademiyasi akademigi Ahmadali Asqarov, Shimoli-gʻarbiy universiteti professorlari Wang Jianxin va Ma Jian ishtirok etmoqda.
Trening davomida arxeobotanika, arxeozoologiya, antropologiya, raqamlashtirish va 3D modellashtirish yo‘nalishlari bo‘yicha zamonaviy bilim va tajribalar almashilmoqda.
Shuningdek, ishtirokchilar Surxondaryo viloyatidagi arxeologik yodgorliklarda dala tadqiqotlarida ham qatnashadi.
Trening Termiz davlat universiteti va Xitoyning Shimoli-g‘arbiy universiteti hamkorligida tashkil etilgan.
Ushbu xalqaro platforma turli davlatlar olimlarini birlashtirib, ilmiy muloqotni rivojlantirish va yangi yo‘nalishlarni shakllantirishga xizmat qiladi.
