"O‘zbekiston va Tojikiston oliy ta’limi va fani: hamkorlikning yangi ufqlari" mavzusida o‘tayotgan nufuzli tadbirda Termiz davlat universiteti rektori, professor Abduqodir Toshqulov ishtirok etmoqda.
Forum doirasida Termiz davlat universiteti hamda Tojikistonning Dang‘ara davlat universiteti bilan ilmiy tadqiqotlar olib borish va professor-o‘qituvchilar almashinuvi, ilmiy xodimlarning malakasini oshirish, xizmat safarlari va stajirovkalar, shuningdek, qo‘shma ilmiy-tadqiqot jamoalarini tashkil etish orqali hamkorlikni yanada kengaytirish bo‘yicha amaliy kelishuvlarga erishildi.
Eslatib o‘tamiz, forum doirasidagi uchrashuvlar va muzokaralar davom etmoqda. Bu kabi muloqotlar O‘zbekiston va Tojikiston oliy ta’lim tizimi integratsiyasini yanada mustahkamlashga xizmat qiladi.
