Bugun universitetda Korrupsiyaga qarshi kurash komplayens nazorat tizimini boshqarish bo‘limi boshlig‘i tomonidan Registrator ofisi hamda O‘quv-uslubiy boshqarma xodimlari ishtirokida yig‘ilish tashkil etildi.
Mazkur yig‘ilish O‘zbekiston Respublikasi Prezidentining korrupsiyaga qarshi kurashish sohasidagi farmon va qarorlari, xususan, 2020-yil 29-iyundagi PF-6013-son Farmoni hamda “Korrupsiyaga qarshi kurashish to‘g‘risida”gi Qonun talablari ijrosini ta’minlash maqsadida o‘tkazildi.
Yig‘ilish davomida universitetda korrupsiyaviy xavf-xatarlarni aniqlash va ularning oldini olish, ochiqlik va shaffoflikni ta’minlash, manfaatlar to‘qnashuvining oldini olish hamda ichki nazorat mexanizmlarini kuchaytirish masalalari atroflicha muhokama qilindi.
.jpg)
📌 Shuningdek, Registrator ofisi va O‘quv-uslubiy boshqarma faoliyatida talabalarga xizmat ko‘rsatish jarayonlarining shaffofligini oshirish, akademik jarayonlarda inson omilini qisqartirish, raqamlashtirish jarayonlarini kengaytirish hamda murojaatlar bilan ishlash tizimini yanada takomillashtirish yuzasidan aniq vazifalar belgilab olindi.
✅Universitetda korrupsiyaga qarshi kurashish siyosatini izchil davom ettirish, ochiq va shaffof boshqaruv tizimini mustahkamlash ustuvor vazifa sifatida belgilandi.
