Xabaringiz bor, so‘nggi kunlarda universitetning Xalqaro aloqalar bo‘limi mas’ullari tomonidan fakultetlarda QS xalqaro reytingi bo‘yicha amaliy seminar-treninglar tashkil etildi.
Universitet rektorat jamoasi hamda boshqaruv apparati mas’ullari ishtirokida ham QS xalqaro reytingi metodologiyasi va reyting ko‘rsatkichlarini yaxshilashga qaratilgan navbatdagi amaliy seminar bo‘lib o‘tdi.
Uchrashuv davomida universitetning xalqaro reytinglardagi o‘rnini mustahkamlash, ma’lumotlarni to‘g‘ri va tizimli shakllantirish, ilmiy faollikni oshirish, xalqaro hamkorlikni kengaytirish hamda doimiy monitoring tizimini kuchaytirish masalalari atroflicha muhokama qilindi.
Tadbir jarayonida: QS reytingining asosiy indikatorlari bo‘yicha batafsil tushuntirishlar berildi. Shuningdek, mas’ullar bilan savol-javob va ochiq muloqot tashkil etilib, kelgusida amalga oshiriladigan amaliy ishlar yuzasidan taklif va tavsiyalar belgilab olindi.
