Toshkent shahrida o‘tkazilgan xalqaro ko‘rik-tanlov san’atning bir nechta yo‘nalishlarini qamrab olib, iste’dod va mahorat bellashuviga aylandi. Mazkur nufuzli tanlovda yurtimizning turli hududlaridan va xorijiy davlatlardan kelgan eng iqtidorli yoshlar o‘z mahoratlarini sinovdan o‘tkazishdi.
Tanlovning xoreografiya yo‘nalishida talabamiz Mardaeva Go‘zal faxrli 1-o‘rinni qo‘lga kiritdi!
Tanlov Nizomiga muvofiq, ishtirokchilar bir necha yo‘nalish va yosh toifalari bo‘yicha baholanib, diplomlar, medallar, xalqaro sertifikatlar hamda Gran-pri sovrinlari bilan taqdirlandilar. Eng munosiblar respublika va xalqaro miqyosdagi ijodiy loyihalar, shuningdek, “Mening yurtim” va “Renessans” teleloyihalarida o‘z chiqishlari bilan ishtirok etish imkoniyatiga ega bo‘ladilar.
Termiz davlat universiteti jamoasi Mardaeva Go‘zalni ushbu yuksak natija bilan chin qalbdan tabriklaydi!
