Shaharimizdagi 1-son umumta’lim maktabida Termiz davlat universiteti professor-o‘qituvchilari ishtirokida “Ma’naviyatli o‘quvchi — O‘zbekistonning kelajakdagi yetuk mutaxassisi” mavzusida ma’naviy-ma’rifiy tadbir tashkil etildi.
Mazkur tadbirda tarix fanlari doktori, professor S.Tursunov, tarix fanlari falsafa doktori Z.Annayeva hamda maktab jamoasi faol ishtirok etdi. Uchrashuv davomida yoshlar ma’naviyati, tarixiy xotira, vatanparvarlik tuyg‘ularini mustahkamlash, shuningdek, bilimli va barkamol avlodni tarbiyalash masalalariga alohida e’tibor qaratildi.
Tadbir yakunida universitet professor-o‘qituvchilari tomonidan chop etilgan 52 nomdagi kitob maktab kutubxonasi fondiga sovg‘a qilindi.
Mazkur tadbir ta’lim muassasalari o‘rtasidagi hamkorlikni mustahkamlash hamda yosh avlodni ma’naviy barkamol etib tarbiyalash yo‘lidagi muhim qadam bo‘ldi.
