Unda soha prorektorlari, boshqarma va bo‘lim mudirlari, fakultet dekanlari hamda mas’ul xodimlar ishtirok etdi.
Yig‘ilish avvalida A.Toshqulov Oliy ta’lim, fan va innovatsiyalar vazirligida bo‘lib o‘tgan “Ta’limda sun’iy intellekt texnologiyalarini qo‘llash va ulardan samarali foydalanish” mavzusidagi rektorlar forumi tafsilotlari va belgilangan vazifalar haqida ma’lumot berdi.
Shundan so‘ng o‘quv yilining yakuni, qishki ta’tilga tayyorgarlik, talabalar xavfsizligini ta’minlash, jinoyatchilikka qarshi kurashish, giyohvandlikning oldini olish hamda o‘quv jarayonlari samaradorligiga doir masalalar muhokama qilindi. Talabalarni ta’tilga xavfsiz kuzatish, ta’til davrida talabalar bilan uzluksiz aloqani saqlash vazifalari belgilandi. Yangi yil munosabati bilan norasmiy tadbirlarga yo‘l qo‘ymaslik alohida ta’kidlandi.
Shuningdek, professor-o‘qituvchilarga keyingi semestrga puxta tayyorgarlik ko‘rish, o‘quv kontentlarini platformalarga joylash va videodarslar tayyorlash ishlarini jadallashtirish topshirildi. Ta’til davrida infratuzilma bilan bog‘liq nosozliklarni bartaraf etish, kontrakt qarzdorliklarini kamaytirish, ilmiy va xalqaro hamkorlikni faollashtirish bo‘yicha vazifalar belgilandi.
Yig‘ilish yakunida ijro intizomiga alohida e’tibor qaratilib, yangi yil arafasida ezgu amallarni kengaytirish, faxriylarning holidan xabar olish va bayram kayfiyatini ulashish yuzasidan topshiriqlar berildi.
