Yuridik fakultetida talabalar o‘rtasida “Konstitutsiya bilimdonlari” mavzusida tanlov o‘tkazildi. Bundan tashqari fakultetining professor - o‘qituvchilari va talabalari harbiy qismlarda “ Konstitutsiya- adolat tantanasi” mavzusida ma’naviy-ma’rifiy tadbirlar o‘tkazishmoqda.
Konstitutsiyamizning 33 yilligi munosabati bilan Milliy libos va san’at fakultetida ham qator tadbirlar tashkil etildi.
Orkestr tomonidan Vatan ruhini aks ettiruvchi kuylar ijro etildi.
Fakultet xonandalari Vatan va istiqlol mavzusidagi qo‘shiqlar bilan chiqish qildi.
Rassom talabalari tomonidan Konstitutsiyaning 33 yilligiga bag‘ishlangan rasmlar tanlovi tashkil etildi.
Sport faoliyati fakultetida o‘tkazilgan tadbirda talabalarga Konstitutsiyaning mamlakat taraqqiyoti va jamiyat barqarorligida tutgan o‘rni va ahamiyati xususida ma’lumotlar keltirildi. Jangovar chiqishlar tashkil etildi. Qator sport turlari bo‘yicha musobaqalar o‘tkazildi.
Bunday tadbirlar yoshlarni qo‘llab-quvvatlash, huquqiy bilim va Vatanga muhabbatni mustahkamlashga xizmat qilishi bilan ahamiyatlidir.
