Kecha TerDU katta majlislar zalida xotin-qizlarning jamiyatdagi o‘rnini mustahkamlash, gender tenglikni qo‘llab-quvvatlash va raqamli zo‘ravonlikning oldini olishga bag‘ishlangan muhim tadbir bo‘lib o‘tdi.
Tadbir davomida:
Raqamli zo‘ravonlikning asosiy turlari va uning salbiy oqibatlari haqida ma’lumot berildi;
Uni oldini olish bo‘yicha zamonaviy yondashuvlar va amaliy tavsiyalar taqdim etildi;
“Kuch birlikda — zo‘ravonlikka o‘rin yo‘q” shiori ostida targ‘ibot ishlari olib borildi.
Shuningdek, ishtirokchilarga mavzuga oid videorolik namoyish etildi.
Tadbir ishtirokchilari:
Termiz davlat universiteti Xotin-qizlar kengashi raisi, Ayollarni reabilitatsiya qilish va moslashtirish Surxondaryo viloyat hududiy markazi mutaxassislari hamda Termiz shahar 1-son ixtisoslashtirilgan maktab-internat direktori mavzu yuzasidan o‘z fikr va tavsiyalarini bildirdilar.
